政治上，我唔鍾意前蘇聯，但足球上我卻愛上前蘇聯！88年歐國盃決賽被荷蘭打敗後，柏林圍牆倒下、蘇聯解體，變成獨聯體，最後蘇聯變了現在俄羅斯！今屆歐洲國家盃，我終於等到俄國人重振雄風！
世盃冠軍歐國疑問
俄羅斯今晚對克羅地亞，同樣係東歐波，同樣係解體後嘅國家，同樣係我嘅愛隊──蘇聯、南斯拉夫，同樣係無運行咗好耐！本來這場是五五波，但係自從軒廸克執教俄國後，形勢唔同晒，唔需要理會球員來自邊度，認住軒教練呢個嘜頭，就係信心保證！我認真咁講，如果佢肯教香港隊，衝擊一吓亞洲盃有何不可！
今晚法國對意大利，後者捧完世界盃，人腳應沿用冠軍陣容，睇來好似好強，但係咁耐以來，只有法國攞世界盃後響緊接嘅歐洲盃有好表現。
法意續前緣博「細」
法國當年捧完盃後，大熱情況下，喺98年9月打嘅第一場歐洲國家盃外圍賽就和波，同意大利和立陶宛嘅情況一樣！法國到第2場先識贏，仲要作客，同今晚意大利嘅情況一樣！如果用以上邏輯同魔咒推斷，意大利今晚可以睇高一線。數雖然咁計，但係真係好難估，倒不如估細，一球上落。
周鵬
商業1台《球迷集中贏》主持
電郵：[email protected]