早前本報介紹過深圳嘅「馬桶餐廳」，餐廳所有食物都用浴缸形狀嘅器皿盛載，當中以「馬桶冰一號」刨冰最有特色。網友好想睇吓呢間餐廳嘅食物相，終於cloud掟咗幾張相上網，仲落埋Caption形容「馬桶冰一號」──「內有狀似糞便的黃褐色刨冰」嘩，真係聽到都唔想食！Jason仔話：「見到呢堆野（嘢）耐啲啲都已經作嘔啦，仲話要俾（畀）錢去食，𠵱家啲人唔係真係傻（儍）咗呀嘛！」不過有少部份網友就話想試吓，Metatron就道出我心聲：「喺香港都可能食，喺深圳真係怕佢用真嘢！」咪就係囉！大陸不法商人乜都夠膽死，假西瓜、假豉油都聽過唔少喇，萬一呢次唔玩「假」玩「真」，用真糞便上碟咪大鑊？
http://www.gaforum.org/showthread.php?t=144963