無綫藝員揚明（中）上個月去中環蒲夜店，同保安發生衝突，仲起腳踢人，日前上庭被判守行為一年兼罰款1,000蚊。無綫製作資源部副總監樂易玲日前知道事件後，對佢作出處分，飛佢出新劇《天機算》。揚明噚日喺電話沙晒冧咁話：「我都知自己做錯咗，好願意接受公司嘅處分，會真真正正反省吓，好希望盡快可以親自同樂小姐道歉，不過佢話未得閒。」