草蜢前晚在紅館演出第四場演唱會，歌迷的反應一場比一場熱烈，三子的演出也愈來愈放，蘇志威（阿細）笑指自己的藍色羽毛裝是「藍無阿尼陀鵰」裝，又笑蔡一傑的裙裝是問徐小鳳借的，後來獻唱《永遠愛著你》時，阿細叫蔡一智向未婚妻示愛，蔡一智說：「我無論做丈夫、爸爸，或者草蜢成員，三樣都係我嘅人生大事。」
與台歌迷消夜
蔡一傑即酸溜溜說：「你兩個都搵到另一半，好多人就問我點解仲一個人，我唔急囉，有啲自由你哋冇。」歌迷即大叫我愛你，他續說：「大家人生旅程唔一樣，要睇緣份。」蔡一智笑謂：「點解咁多女歌迷叫嘅？」蔡一傑說：「你兩個名花有主，唔妒忌得咁多。」
蔡一傑完騷後與大班台灣歌迷到尖沙嘴樓上樓打邊爐聚餐，由凌晨十二時多吃到二時，然後他在大班歌迷簇擁下，自行駕車離去。
採訪、攝影：娛樂突發組、仇志德