社交界喜事頻傳，繼何穎雯後，今次輪到無綫前新聞之花黃德如在養和醫院一索得子，她上周三（8月30日）剖腹誕下兒子，今天出院，昨日記者致電恭喜她，她精神奕奕說：「BB早產咗兩個星期，重6.11磅，我覺得BB同我、同埋我先生三個人之間關係好微妙，因為611係我老公嘅生日日期，而我懷孕期間大概重咗25至30磅，同我老公嘅體重一樣，我見到姑娘抱BB出嚟嗰一刻，真係感動到想喊。」
考獲中醫牌
黃德如續說：「今次仲算係雙喜臨門，因為1號（上周五）係中醫牌放榜日，嗰日我就收到消息考試pass咗，順利考到牌，喺我考試期間，BB都喺肚裏面陪住我。」
採訪：林妙萍