有關母親用鐵鏈扣小姊弟逛街一事，網友們意見不一。在親子王國討論區內，minna12表示強烈反對：「唔好話係鐵鏈，就算係學行帶我都唔接受。」傻妹妹亦說：「掉番轉，個媽媽有病，啲仔女係咪又搵條鐵鏈綁住佢出街吖？」
不少網友卻認為該母親有苦衷。已為人母的oknsca表示：「雖則唔認同做法，但係絕對明白呢位媽媽嘅苦心，因為我都有兩個咁上下大嘅仔。帶住兩個細路出街真係要一眼關七，我試過兩個同時fing開我手，一個向左跑，一個向右跑……你追得邊個？……用鐵鏈只係無辦法之中嘅辦法。」網友smpoon則稱：「可能個阿媽係迫於無奈先會咁做，如果唔係，佢放低兩個小朋友喺屋企咪仲方便。」