上個禮拜先講過大學生買NotebookQuota現象，其實開學梗係令人聯想到要買部電腦做吓功課，不過筆者今次講嘅唔係呢樣，而係每年各大Notebook牌子，都會為幾間大學學生推出買Notebook優惠，而到今年，不知不覺已發展到相當有規模，廠牌包括有Dell、Fujitsu同聯想，即係以前大學生買機最Hit嘅IBM。其中Dell唔知係咪因為換電事件之後要搶客，部Dell1300只要$4,049，難怪有網友睇到都話有無咁平呀！而宣傳中，好多Notebook都話有現貨供應，不過好多網友對呢個途徑買機，相信都會問句「現貨有幾部？」筆者以前就有同學卒之讀咗半個學年先至攞到機，真係出街買無咁嬲！而據網上所謂「可靠」消息，今年萬元以下嘅CoreDuo薄裝電腦，貨源甚少，要買就要早啲去排隊，無貨就要訂，信不信由你。
記者：許福合