何傳耀中學校長郭懿芬（圖）剛上任就被學生謔稱為「女王」，郭校長澄清沒有禁止學生會舉辦某些課外活動，但承認校董會要求校方集中火力，加強學生學業成績：「學生會每年有好多活動，太多就會影響學習。校董會想鼓勵學生多啲讀書，增加學校學生入大學嘅比例；目標係讀書第一、體魄第二，呢個唔係我個人決定。」
對於5分鐘換衫的規條，何傳耀中學體育科的黎老師解釋，體育堂只得40分鐘，更衣太久，會影響課堂：「體育老師會喺更衣室門口等同學，五分鐘仲未出到嚟，嗰個同學就要鞭策。我哋咁做都係訓練同學把握時間，對佢哋嘅做人處事態度都有幫助。」
辛亥年總理中學副校長葉存楫解釋，多條校規無非為保持校園的樸素生活，學生的眼鏡及鞋子都不應太花巧。至於禁止女生穿PE褲打底，則是為了外觀：「着深色褲喺裏面會現咗出來，女同學都係着白色底裙好啲，比較矜持。」