呢排每日都有嚴重意外發生，早幾日喺西環及上環分別發生牽涉貨車嘅意外，導致1名婆婆及1對父女慘死，先前又有雙層巴士喺長青隧道跟前車發生猛烈碰撞，令司機魂斷車廂。喺香港揸車係咪真係咁容易發生意外呢？正如網友aa325325喺《香港討論區》一個名為《請大家小心駕駛》嘅Topic講：「不理是行人錯或是司機錯，最緊要自己先不要做錯……根據運輸署嘅統計數字顯示，2005年嘅交通意外總數為15,062宗，有人死亡嘅佔139宗。」或者你會話：「唓！加埋都未有1%，好細數目啫！」如果你有咁嘅諗法，我一定會二話不說打巴你，縱使有人死亡嘅交通意外只有1宗，都係叫做有人命損失，乜你想有人命損失咩？冷血！
正如我先前所講，若要避免意外嘅發生，揸車或橫過馬路時要小心及留意交通情況，揸車嘅時刻保持安全車速及忍讓，並且不要跟車太貼。另外，行人橫過馬路亦應該利用適當嘅過路設施，切勿亂過馬路，亦應當照顧同行長者及小童，免得他們衝出馬路而出事。 記者：鄭達基
相關討論網址： http://www9.discuss.com.hk/viewthread.php?tid=2221582&extra=page%3D1
參考網址： http://www.td.gov.hk/FileManager/TC/Content_184/05fig1.3c.pdf