林嘉欣、張震和日本男星江口洋介早前合演電影《詭絲》，嘉欣罕有地公開盛讚對手張震英俊，更不避嫌指未能與他演親熱戲感到可惜。
林嘉欣和張震昨日在銅鑼灣宣傳新片《詭絲》，二人在戲中扮演情侶，但只有兩場對手戲。基本上，嘉欣大部份時間都是單獨對着電話做戲。對於未能與張震拍親熱戲，她竟然埋怨導演說：「我覺得張震好靚仔，但係同佢做情侶都係得兩場對手戲，導演太小器（戲），又唔加我同佢嘅親熱戲，張震幾靚仔呀！」
「佢同人好疏離」
嘉欣不避嫌大讚張震，還自爆有一整年時間都誤解了他，嘉欣說：「喺片場佢同人群好疏離，我以為佢就係一個咁嘅人，但之後我睇過佢嘅訪問，先知道原來係為咗個角色至咁做。隔咗一年我至知原來張震可以開玩笑，拍戲嗰時導演成日講爛gag，我哋個個笑導演白癡，得張震冇反應！咁奇怪，搞到我唔敢去接觸佢，我誤解咗佢一年。」
保持情緒最低點
張震承認為演活角色，拍攝期間必須將個人情緒保持低落，他以普通話說：「角色同現實的我不一樣，每天我都要把自己弄得不開心，在片場聽sadmusic，沒跟任何人聊天，只能和導演研究角色。」
採訪、攝影：魯萍
林嘉欣髮型：HinWanofIlcolop
化妝：WillWong
服裝提供：TsumoriChisatobyI.T
場地提供：人民公社
