施念慈同陳鴻業離婚後，四月時同比佢年輕嘅男友展開新戀情，不時出雙入對，日前仲有報道話佢已經懷孕四個多月。施念慈噚日發聲明澄清冇懷孕，佢接受電話訪問時話：「我嗰日着咗件鬆身衫，加上上個月喺屋企整親腳趾，行路都痛，所以出街時朋友會扶吓我。今次媽咪同親戚都係咁打電話問我係咪大肚，我覺得有必要澄清吓，我冇懷孕，暫時亦冇打算未婚懷孕。」