香港空氣污染嚴重，不但市民健康受損，塵埃含酸性物質會腐蝕相機鏡頭表面用作減低反光的金屬鍍膜，令鏡頭出現花痕。
龍先生投訴其所購買的Olympus數碼相機出現問題後，代理商卻不肯負責更換。他說：「我4月買呢部機，無幾耐已經發現電源同曝光有問題要維修，換過晒啲零件。部相機整番之後兩個月，我先發現個鏡頭有兩點花痕。」
龍先生不滿地說：「肯定係之前俾佢哋換零件嗰陣，整花咗我鏡頭表面嘅鍍膜啦！我要求代理商負責換番個鏡頭，佢哋就唔肯！話要我另外畀600蚊，先至肯同我換鏡頭！」
非機能故障不獲保養
Olympus發言人解釋，客人聲稱相機電源及曝光出問題，經檢查後確定功能正常，但仍順應客戶要求，為其更換有關組件，過程中不會對鏡頭部份構成損害。至於現時鏡頭出現之兩點花痕，其大小僅如針孔，極難察覺。
這些圓點，可能因相機出入冷氣場所或潮濕空氣，令跌入鏡頭上、含有空氣污染物的塵埃，例如酸性的硫化物或氮化物溶解，腐蝕了鏡頭表面用作減低反光的金屬鍍膜，但不會影響相片質素。
由於此乃自然損耗，並非機能上之故障，不屬保養範圍，如要維修，須另外付費。
至於防止方法，該發言人提醒用戶，相機用後，首先應朝鏡頭水平方向，以氣泵吹走塵埃，如仍未能清除，則再以鏡頭布輕抹，避免塵埃長時間停留在鏡頭上。
檔案編號：0818033