時下車款日新月異，有汽車修理業內人士指出，現時「風油軚油」與「波箱油」會按不同的汽車品牌而採用不同的專用油，若入錯油可大可小。最近有讀者因座駕扭軚不暢順，經車房檢查下，懷疑有人錯將「波箱油」當「風油軚油」入，致扭軚出問題，幸及時發現未生意外。
擁有一部本田思域棍波私家車的黃先生稱，該車有九年車齡，他於一年多前以二手價買入。近月，他駕車時發覺扭軚不暢順，於是往大埔一間車房修理，兼換雪種等。
取車後，他如常駕駛，但發覺扭軚依然不暢順，兼有「卡」、「卡」聲，他形容說：「比之前未整時仲要差。」他惟有折返車房檢查，師傅替其座駕更換零件後，情況依舊。為穩陣起見，他到另一間車房再檢查，維修師傅見該車風油軚泵「燒」了，兼有漏油，估計之前把波箱油入錯到風油軚油壺內，以致扭軚出問題。
車房否認有出錯
該車房師傅隨即替他抽走有問題的油，再注入正確的風油軚油，結果行車及扭軚十分暢順。其後他到首次光顧的車房理論，但負責人否認入錯油，他質疑有關車房的專業技術。
被投訴的車房負責人廖先生回應本報時否認入錯油，他指黃先生拿車前來維修時，扭軚有響聲，於是替其換風油軚泵，他反指事主之前自己入錯油，「我見佢啲油咁樣……軚又響，咪同佢換泵囉!佢架車本身都改裝咗好多嘢，好多麻煩嘢。部車修理完出咗街，佢喺出面搞咗一輪嘢，我唔知佢有冇做過啲乜！之後嘅嘢，任佢講啫！」他說，為息事寧人，事後已退回該項目的費用。
香港汽車修理同業商會理事長李耀培表示，波箱油與風油軚油是兩種不同功能的油類，波箱油是轉波用；而風油軚油是「攞軚」用。
李耀培續指，以往波箱油與風油軚油的確可相互使用，不過隨着車款及性能改進，注入波箱油與風油軚油時會按汽車的品牌，而採用不同的專用油，而油類的顏色亦不盡相同。例如上述讀者的本田思域車系，須用指定的風油軚油和波箱油，顏色分別是黃色及紅色，所以基本上不容易混淆。
至於其他品牌的車輛，包括平治、寶馬、積架等都有專用的風油軚油，顏色有紅色及綠色。而其他無註明須使用專用油的車系，則可用一般的軚油。而波箱油一般只有紅色一種，不過平治又有特定電子波箱專用的油，同屬紅色，但不可「撈亂」用。
油產品標明用法
李耀培補充，混淆風油軚油與波箱油的機會不大，「兩款油嘅產品包裝上都寫清楚風油軚油同波箱油嘅名稱，除非間車房好唔專業，如果唔係冇理由會入錯。」
如將波箱油錯注入風油軚的油壺內，雖然不會太過危險，但會令扭軚不順暢。若駕駛者為女士，氣力或者不夠，又或者行車車速快，都會因未及扭軚，而對扭軚的準確性及安全性有一定影響。
李耀培說，若誤把波箱油注入風油軚的油壺內，只要盡快抽走錯油便對機件影響不大，「如果入錯油，扭軚一定唔順同埋有雜聲，或者打開車頭冚已經見到風油軚的油壺有漏油，嚴重嘅車底會滴紅色油，咁都會即時知有問題。」
檔案編號：0821003
