南華昨日首次出戰，旗開得勝，上周剛宣布今個球季結束後掛靴的南華前鋒歐偉倫也有出場，這位老將，因為「唔想成世對住個足球」，近年準備轉型，去年投資酒吧做生意，他笑言自己「係新丁一名，要從頭開始」。
歐偉倫自小有足球天賦，打遍屋邨無敵手，自知非讀書材料，在父母支持下中三後加入銀禧體育中心，與丘健威、蔣世豪和譚兆偉等同期學習。十七、八歲時，他隨港隊前赴荷蘭跟操，獲當地一家甲組球會賞識，由於當時年紀小，又剛與依波路球會簽約，最後婉拒加盟。他無悔地說：「那時太細，唔會諗呢啲嘢，亦唔知係真定係假，所以無諗過出外踢波。若果自己當時已踢了四、五年波，就會諗吓出外搵食。」
歐偉倫效力過多間球會，迄今為南華披甲14年，是96至97年度及去季香港足球先生。但他對去季的個人榮耀感到不是味道，因南華要降班，最後才在足總挽留下留級。歐偉倫回憶今年4月最後一場聯賽打和公民，南華篤定降班一刻，他躺在場中，眼中含淚……「真係降班啦！踢咁多年都未試過降班。廿幾歲降班仲可以接受，三十幾歲先至降班……幫唔到球隊係咪自己嘅錯呢？」
不過歐偉倫自認是幸運兒，香港球會十個前鋒有九個是外援，土炮鋒將「好慘」，而南華多年來不斷給他機會；他自言去屆能當選足球先生是有點運氣，算是南華的安慰獎。
歐偉倫相信南華知恥近乎勇，為重振聲威積極招兵，繼起用葡萄牙籍教練後，更加入多名有質素外援，務求囊括所有錦標，答謝球迷支持。然而，他自知年紀大，香港天氣又特別濕熱，不可能每次都踢足全場，所以在上周決定今個球季完結後「收山」，「甲組生涯17年，甚麼獎都拿過，惟獨神射手經常擦身而過。因此，今年最後一年，目標除咗為南華再贏錦標外，亦希望可圓奪神射手嘅心願。」
足球事業接近尾聲，要考慮將來掛靴後的發展，歐偉倫選擇與朋友合資搞酒吧，顧客多是熟人，他說：「我工作主要係應酬朋友，傾偈，畀啲足球心得同提議，大家研究一吓，搞好氣氛，希望可以帶多啲客嚟。」。這位足球先生坦言過去只懂踢波，現在希望做其他新鮮工作，接受新挑戰，「其他球員會成世畀晒足球，但係我將來唔想做教練或者講波佬，因為我冇興趣，而且我唔鍾意出鏡。」
記者：李劍昌
攝影：黃冠華