𠵱家生意難撈，食肆要留住客仔，就要Keep到食物質素，稍一跌Watt就即刻通晒天。網友布甸狗最近就問：「大家覺得香港邊間食店最名大於實？我就認為係泰昌既（嘅）蛋撻，自己完全唔覺得有何特別，但就因為肥彭呢個名，搞到店外經常排滿慕名而來的顧客。」volleyballfever就喪打N咁多個感歎號、火都嚟埋咁話：「絕對同意!!!!!!!!!!!佢D（啲）蛋撻好難食……」B仔涼粉都俾人鬧，EDWIN話：「b仔涼粉最明顯係明（名）大於實……根本香港無數糖水鋪（舖）好食過佢。」就連滿記都中招，bbfairy話：「滿記甜品，樓下間糖水店仲好味過佢。」再睇落去巴西燒烤、扒王之王、深井燒鵝等食肆相繼成為被聲討之列。唉，人怕出名豬怕肥，食肆一紅就總有人會眼紅，其實人人口味唔同，唔真正試過又點知呢？
網址： http://discuss.com.hk/viewthread.php?tid=2191936&extra=page%3D7&page=1