影音試團：相機搭GPS　路盲影勻赤柱示威

男友阿Sean10月就喺澳洲讀完書返嚟，佢走咗之後，我除咗去銅鑼灣行街，都唔敢去遠少少嘅地方。阿Sean成日話我「路盲」，認路能力極低，今次考慮咗好耐，先至膽粗粗自己赤柱一日遊。嗰日遊咗好耐呀！仲用部SONY新出嘅T10相機影低好多威水相，一於寄啲相畀佢睇，要佢知道老婆仔已經大個女先！

記者：陸俊雄
攝影：陳盛臣
ImageGirl：Becky

Sean：儍豬，收到你啲相喇！
Becky：嘻嘻，我係咪好叻呀？
Sean：你都幾大膽喎，真係冇人帶住你行？
Becky：得我一個咋，睇你仲敢唔敢成日話我「路盲女小B」。
Sean：等我數數先，市集、天后廟、赤柱廣場、正灘，都算行到好遠喎。
Becky：咩「算」呀，我行到去唔知邊度個石灘呀。
Sean：我見你有張相……影到好似想喊咁。
Becky：我喺石灘度行行吓唔知行咗去邊，嗰時想打電話畀阿媽求救……
Sean：哈哈，原來有人唔識路扮勁。
Becky：咩喎，咁我最後都行得番去巴士站呀！你正屎蛋嚟㗎……
Sean：除咗相，仲有隻《GPSImageTackrer》軟件，咩嚟㗎？
Becky：你裝咗佢先啦！之後再用《PictureMotionBrowser》睇，會有其他嘢出現。
Sean：好，你等我一陣……

■吹吹海風好舒服，唔知你睇相感唔感覺到呢？

■死火，行行吓唔知自己行咗去邊，不如打電話畀阿媽。

■美利樓再行過啲條酒吧街，我見到間好靚嘅餐廳。

■唔知阿Sean趕唔趕得切返嚟同我過中秋呢？

■市集好多嘢賣㗎，我都諗住買手信畀你。

■喺赤柱廣場遇到對白帽BB，佢哋好為食㗎。

■我入過去廟度問生神仙，我哋幾時可以拉埋天窗呀！

■終於搵番個巴士站，可以返屋企喇！

Becky：得未啫？得未啫？
Sean：裝咗啦，點解記錄晒赤柱地圖、時間、地點咁神奇嘅？
Becky：嘻嘻，SONY新出呢部T10相機，唔單止720萬像素兼有防震，仲可額外配埋GPS裝置（全球定位系統），影相開住佢，就會自動記低邊度影、幾時影。
Sean：跟住喺電腦睇相，就好似我𠵱家咁，有個GoogleMap仲Mark埋事發現場喺邊。