30歲，大學畢業後做了兩年OL就趕住結婚，因為怕做高齡產婦，希望趕及在30大關之前生兩個就收工。大仔賢仔今年6歲，剛入讀小一；去年細仔正正出世，正式告別OL生涯，開始做全職家庭主婦，專心煮飯湊仔。
07:30 送賢仔返學
08:30 餵正正食早餐
10:30 報名兒童記憶班
賢仔今年剛升上小學，讀全日制，送完佢返學，唔知佢適唔適應新環境呢？為咗慶祝佢開學，一於今個星期六帶佢食buffet至得！隔籬屋陳太話，禮拜六喺太子酒店，有個小朋友的記憶學訓練班連自助午餐，有專家講解，仲有遊戲玩，快啲打電話訂位先！
太子酒店記憶班連自助餐（21136045）
11:00 買餸煮午餐
12:30 買健康便當書
啱啱送飯去學校畀賢仔，遇到另一位家長李太，佢話佢個仔好偏食，又奀又瘦；吳太又話佢個仔只係鍾意食肉，6歲已經有個大肚腩。我話跟政府推行嘅2+3飲食計劃咪得囉！「咁即係煮乜呀？要有營養小朋友又鍾意食？」「我都唔識㗎！不如一齊去書局買書睇吓啦！」商務印書館（28908028）
13:30 餵正正食午餐兼瞓晏覺
16:30 十蚊店玩具抵買
帶埋正正去接賢仔放學，佢話我知老師選佢做班長，咁叻仔！獎勵吓佢至得，平平哋去十蚊店啦！最近仲話入咗批新玩具，就算買幾件都係幾十蚊啫。最後賢仔竟然揀咗把玩具槍，仲話要買多把畀細佬一齊玩。見賢仔咁錫細佬，我就買多份一套兩件砌圖畀佢哋玩啦！
JUSCO十元廣場（34282138）
18:00 行泰國食品節
買完玩具，賢仔嗌肚餓，咪諗住帶佢兩兄弟去金鐘GREATFoodHall食啲嘢。咦？有泰國美食節喎，賢仔即刻捉住我去零食攤位，佢一定係掛住暑假去旅行時嘅豬肉亁，買少少畀佢啦！順便買包魷魚絲畀老公送啤酒。
GREATFoodHall泰國美食節（29189986）
19:30 晚飯時間
22:00 學煮西餐逗家人
兩個仔都瞓晒喇，輪到我同我老公嘅二人世界，我哋一齊飲啤酒睇電視，見佢唔使5分鐘成罐飲晒，我忍唔住問：「你好口渴呀？」「老婆你今晚煮嗰個洋葱豬扒又嚡又鹹，搞到我鬼咁口渴。」俾老公咁樣窒法，我連《15/16》都唔睇，即時上網睇睇有咩烹飪班！
西菜入門輕鬆者煮（煤氣烹飪中心25761535）
