煲呔曾為施政報告忙到死，幾乎日日都要見唔同嘅團體代表。上星期佢特別撥咗一段時間，見外國商會代表，聽吓佢哋有乜意見，例如銷售稅有冇打擊外國商會投資意欲等，都好重要嘛。
有心水清嘅人發現，當日代表之中，唔見咗美國商會主席馬可寶，究竟佢哋彈得香港空氣多，被煲呔排擠，不在邀請之列；抑或佢對特區政府有啲唔滿意，所以請煲呔食檸檬呢？原來兩樣都唔係，美商會話馬主席有接到請帖，只係未能赴會啫，又話商會同政府關係極佳，雙方高層時有交往，保持緊密對話，慌死煲呔唔知佢哋係政府忠實支持者咁噃。
美商會仲話，佢哋短期內會向煲呔交施政報告意見書。生意人果然識做人，明白富不與官爭嘅道理。