古怪車：福士概念車Iroc　重現70年代Scirocco影子

古怪車：福士概念車Iroc　重現70年代Scirocco影子

一直以為概念車設計只會超乎現實，不會回頭看，但看來事實並非這樣，Volkswagen就是最佳例子，最近廠方推出了一架全新概念車Iroc，車款刻意沿用33年，在日內瓦車展哄動一時，亦曾在全球生產過超過五十萬架的Scirocco的設計，所以，新車不但有着概念車的獨特設計，同時糅合了空間感、靈敏度、經濟等多種優點。

■全車最煞食，莫過於這套會發出藍光的中控台同儀錶板。

■跑車式桶seat加上5點式安全帶，預咗畀你飛。

懷舊綠衣前衞內裝

除設計外，新車還特別沿用了當年的懷舊綠色，令Iroc有更濃厚的Scirocco味道。新車注重空間感，所以特別採用了2,680mm長的軸距，全身度身訂做的超輕鋁合金框邊，加上一副直4TwinchargerTSI引擎，馬力都有210匹，所以咪睇佢外表斯文，車仔發火一樣非同小可！單睇外表，你可能會覺得佢唔夠科幻，但內櫳包你睇完都話正，4座位車廂全用上跑車化的桶seat，再配備5點式安全帶，如此配備，落場都得啦，但最正都係個錶板同顯示屏，在黑暗情形下，會透出冷冷的藍光，夠晒科幻味道！記者：黃婉冰

■我就話車尾望落有少少似標致206。