9月學生哥又再開學，潮仔潮女最近討論得最多當然係袋。網上潮流討論區經常出現嘅話題都係問：「呢個袋真定假呀」，又或者問「呢個袋邊度有得賣」、「邊度買會平啲等等」。以學界而言，Porter可算係其中最受歡迎品牌之一。市面上賣Porter嘅地方多的是，有水貨舖亦有專門店。有好多人都知Porter有分Tokyo、International同HeadPorter3個版本，但又有幾多人識分，有幾多人知道呢3個不同版本由來？最近就有網友Post咗一篇十分詳盡關於Porter嘅資料上討論區。小記一向都知International版係台灣做、比日版平，但係點解就矇查查。呢版網頁不但教你點分日本Porter，仲有晒3個版本嘅購買方法，更講埋點解會出咗個International版，等閣下自行判斷International版屬正貨定翻版貨，最後想買平嘢定靚嘢就自己決定啦！
參考網址： http://www11.discuss.com.hk/viewthread.php?tid=2095452&extra=page%3D1