揚明生事新劇被飛

揚明生事新劇被飛

無綫藝員揚明素有翻版謝霆鋒之稱,上個月佢因為傷人案而被判罰款同守行為一年。前晚無綫製作資源部副總監樂易玲出席新秀比賽時,就話佢只係聽過同事滙報呢件事,不過已經畀咗個最後警告揚明,仲抽起咗佢喺新劇《天機算》嘅角色。樂小姐話:「佢都有悔意,呢一年守行為自己要小心囉,唔係隨時入去坐㗎。」樂小姐又話公司都係睇報紙先知呢件事,至於會唔會同揚明解約,佢就話暫時唔會喎。