吳卓羲（圖一右）前日27歲生日，雖然仲要趕拍新劇《學警出更》到凌晨2點幾，但原來佢中間都有幾個鐘頭休息。前晚大約7點幾，馮仁昭見佢同李家聲喺無綫餐廳食完飯之後，就急急腳揸車離開，咁啱電視廣播城門口有班fans專登等佢，諗住同佢講聲生日快樂。吳卓羲同fans傾咗一陣之後，就即刻飛車走人，唔通係趕住同緋聞女友官恩娜慶祝？
