今個禮拜，最搶眼嘅新碟並唔係港產片或者西片，而係富有大和民族特色嘅日本情色系列！㗎仔3級片一向好賣得埠，皆因佢唔只有樣靚身材正嘅女優擔綱，劇情仲描寫得繪影繪聲、絲絲入扣，屬於一套既帶有色情意味，又具濃烈藝術感嘅電影。
第一套要介紹就係由杉本彩主演嘅《花與蛇》，呢套電影其實喺日本已經拍過唔止一齣，今次打入本港3區市場，可謂挑戰影視尺度；佢最大賣點，就係以SM（性虐待）為題，包括綑綁，鞭打等極具爭議性嘅鏡頭，內容相當大膽。至於另一齣《奇異人生馬戲團》，更大玩暴力、亂倫等敏感題材，故事講述一名變態父親，因鍾情與女兒發生關係，於是與太太嘅感情疏遠；但另一方面，太太為挽留夫妻感情，竟不惜滿足丈夫任何要求，更作過多次違反常理嘅行為，呢種扭曲嘅兩性關係、錯誤嘅情慾觀念，就成為呢套DVD最大嘅賣點。
記者：陳國輝
