「任何女仔拍拖都知愛情係瞬間萬變。」正陶醉愛河的李嘉欣前晚在中環看時裝騷，被追問與許晉亨的感情事時禁不住吐出這一句。早前高調拍拖，恍如拍拖日誌，她反指是拜傳媒所賜，其實恨不得穿上隱形衫。對於有報道指許家對兩人施壓，她從容回應個人全無壓力。
正與許晉亨愛得甜蜜蜜的李嘉欣，前晚難得撥冗往中環ifc欣賞Marella時裝騷，記者問春風滿面的嘉欣，早前高調拍拖是否因為感情達穩定階段？她說：「我本來係好低調嘅人，係你哋傳媒高調咁影我，日日八部車，我冇法子低調。」拍拖期間被傳媒跟着會否很殺風景？她自信的說：「冇乜影響，都係做番正常做嘅事。」
「講是日心情」
記者又指嘉欣心情飄忽，做真人騷前還說許晉亨是普通朋友，她即解畫說：「我嗰次咁講係講我當日嘅『是日心情』，今日又真係唔想講噃，任何女仔拍拖都知愛情係瞬間萬變㗎啦，我唔係網頁，要日日update，總之我是日心情本來好好，你哋再問就未必啦。」
談到與許晉亨拍拖時曾對着傳媒勁黑面，嘉欣說：「因為你哋喺私人會所係咁影，真係唔係幾啱。」她曾指劉鑾雄以TheOne名義刊登廣告賀她生日是人生一大驚喜，那許晉亨以她洋名Michele縮寫ME2的車牌，她又是否受落？她說：「我對車牌冇研究。」至於到底與大劉較好朋友還是許晉亨時，嘉欣只笑着說：「咪玩啦。」
有報道指許晉亨家人對兩人這段感情施加壓力，嘉欣說：「我個人就零壓力，唔代表其他人嘅意見。」最後對傳媒封她為大話情人，她更鄭重說：「我係一個好坦白、好誠實嘅人。」
活動後會男友
出席活動後，嘉欣即由大會四名保安護送下往停車場，坐平治抵中環置地文華東方酒店，當時一身筆挺西裝打扮的許晉亨已在場等候，並細心攙扶伊人落車，與她十指緊扣步往酒店內的賀菊日本料理，上行人電梯時，臉帶微笑的許公子更小心翼翼輕攬女友，嘉欣則全程嬌羞低頭，如小鳥依人般任由男友帶路。而嘉亨在店內撐枱腳，浪漫歎足兩個鐘後，才齊坐男方座駕結伴離場。
此外，昨日下午約5時，許公子的七人車又到嘉欣渣甸山香閨，接女友到置地文華東方酒店，兩人依然是手拖手高調進場晒恩愛。
採訪：梁錦雯、娛樂突發組
攝影：仇志德、娛樂突發組
