天氣好，就梗係去行吓山，舒展吓筋骨啦！最近有網友喺度討論，行山究竟有咩係一定要帶。咁當然水呀、毛巾呀、電話呀、指南針呢啲就一定唔少得。但原來帶咩嘢食，都係好講究。行山友Terry就話，一定要帶一包葡萄糖，發生咩事，呢包糖好可能救到你一命。但另一行山發燒友Gary就話，帶糖始終唔係幾好，因為天氣熱，溶咗就好麻煩，最忌係帶朱古力，所以佢多數都會帶一包嘉頓嘅牛油餅，高熱量可以快速補充體力，又飽肚！而行山初哥Happy就話，為咗方便起見，佢會帶美祿朱古力Bar或者EnergyBar，細細條攜帶方便，而且能量高，頂得肚，就算溶咗都仲有個形狀，唔怕溶咗好麻煩，最好就帶多一樽水，加少少鹽，流汗多，飲啲鹽水會快啲吸收番水份㗎。各位行山友，不妨參考吓。