隨草蜢十幾廿年的歌迷收藏了很多草蜢珍品，日前草蜢和歌迷互相晒冷，有些更是只此一家。
阿細先取出一位歌迷大學論文和台灣歌迷送的襟章，他說：「論文最特別係歌迷喺個序鳴謝我哋，個襟章就印有我個名，我本身都冇呢個。」
阿傑對他與中森明菜的合照愛不釋手，他說：「有歌迷送咗張我同中森明菜合照嘅剪報畀我，我都冇咗張相，仲有一外地歌迷每年都以我名義捐錢，好感動。」
阿智教物理
阿智則拿着親自設計的BaBaBa公仔印水紙說：「呢個公仔係我設計，我唔見晒喇，我叫阿細畀我都唔肯，有歌迷知道就割愛送畀我。」
至於草蜢的歌迷也大晒珍藏，阿珊最愛阿細拿出來義賣的唐老鴨睡衣：「呢件衫係我94年買嘅，阿細仲話件衫着完冇洗過。我買咗返嚟都冇打開過，驚摺唔番一模一樣。另外，我最鍾意阿智做物理科教科書嘅封面，當時佢未入行喺出版社做，好有紀念價值。」
流連唱片公司後樓梯最多的阿婷，最愛傑仔鼓勵她讀書的便條，她說：「嗰時放學着住校服去唱片公司等，阿傑勸我千幾次讀書，有次佢喺張紙上面寫努力讀書，佢一句鼓勵說話，好過阿媽講萬句。」
搶汗味毛巾
幾乎「逢騷必到」的阿炸則喜歡在外地儲珍品，她說：「隻飛碟係92年巡迴演唱會台灣一站，我見住阿傑用眼神話拋飛碟過嚟，我梗係飛身接穩啦，同埋有次阿細喺田徑比賽贏咗，我衝出去恭喜佢，佢見我咁興奮，就送個獎牌畀我喇。」
曾移居外地的Cooky說：「95年我移民，諗住臨走同佢哋影張代表作，咪叫阿傑要諗起我，點知佢應承喎。至於條毛巾我就覺得最貼身喇，因為嗰次係98年草蜢去大西洋城表演，我見阿傑抹完汗條毛巾放喺台邊，我即刻衝破保安防衞去拎。」
