唔少觀眾話鍾意睇球彩台嘅其中一個原因，係我哋夠互動，開放電話熱線畀佢哋可以講波。
打入嚟最普遍嘅可能會問：「Wendy呀！我想問今晚英甲奧咸贏唔贏到呀？」周末成百場波，唔想俾人問到口啞啞，我哋個個都盡量花時間做足功課。之但係有啲接通後問一句佢答一句……呀！唔係，佢答兩個字而已。「ｘ生有冇投注呀？」「冇呀！」，「咁你有冇睇呢場直播呢？」「冇呀！」接住就唔講嘢。咁我？就要極力避免deadair，當然我仍在學習點同呢類較內斂嘅觀眾傾談。
最怕激動球迷爆粗
有種仲難估，可能輸錢心情轉差，講講吓情緒激動到隨時想爆粗。哈哈，每當遇到呢種情況（好在唔多），我都忍唔住笑，通常係拍檔及時技巧性制止。仲有啲好細心嘅擁躉知我哋一晚直播三場好辛苦，特地買消夜送入荃灣有線請我哋食，好感動。
亦都因為有呢班觀眾支持，先會推動我哋進步，喺度同你哋講聲Thankyouverymuch！
WENDY
由歐國盃EuroBabes，變身球彩台受歡迎主持。