澳洲除了袋鼠，最為人認識一定是生猛海鮮。澳洲佔盡地利，有優質的水域自然有優質海鮮，澳洲人Karl在當地從事飲食業就最清楚。問到澳洲有冇一個特定飲食文化，Karl回答︰「澳洲飲食，其實就是很多不同國家的Completion。」意思是說澳洲飲食唔會好似意大利咁有Pizza、法國有鵝肝……澳洲人飲食，最注重的是用料新鮮，至於煮法就是集很多國家大成，你會在餐牌上找到煎、炸、炒、燒等多種不同做法。除了海鮮，澳洲人好鍾意食Steak，的確同其他西方國家好相似喎。
雖然無屬於自己特有的飲食特色，不過澳洲人非常懂得享受生活，最愛周末在家中的後花園BBQ，Karl話︰「澳洲有9成人響屋企都有個BBQ燒烤爐，自己燒嘢食㗎！」因為有靚海鮮，所以他們一般只會用香草略醃已經放上爐燒，食出鮮味。一邊大啖嚼美食時，還會呷一口美酒，真係識享受！
記者︰方綺君
攝影︰黃子偉
OysterFlorentine $130
澳洲的生蠔一捉上水可以立刻生食，亦可以加Topping食，如這款加上菠菜、黑胡椒和特製醬汁焗製，生蠔入口仍有很多肉汁流出。
SurfandTurf$255
澳洲人周末會自己燒好似圖中的牛腰扒同燒龍蝦，唔需要濃郁調味，材料新鮮至緊要，牛肉入口肉質自然會嫩滑，龍蝦肉質自然爽脆。
TianofAvocado,Mango,TomatoSorbet $95
下層有芒果、牛油果等新鮮水果，放上數片以青檸汁醃的帶子，上層是新鮮番茄製成的雪芭，一個好合適夏天食的前菜。
TheQuarterdeckKowloon（27358881）
尖沙嘴海港城海運大廈地下OTG53號舖
