美國劇集《逃》雖然下周才在無綫播出，但不少明星如陳冠希、張家輝、馮德倫、黃秋生和雷宇揚早已聞風收看。陳冠希說：「真係好正，從未睇過一套咁正嘅逃獄電視劇，入面嘅角色設計得好好，每一集都有個高潮，令到你一直要追落去睇，奉勸睇碟嘅朋友，最好喺最佳狀態下先睇，因為一睇落去就好難停落嚟。」
馮德倫認為《逃》是繼《24》後，最不容錯過的電視劇，他說：「呢齣劇布局一流，監獄個空間咁細，佢哋可以拍成20幾集都冇悶場，每個人物都咁精采同豐富，我覺得編劇應記一功，而男主角WentworthMiller又咁型，肯定又迷死一班女觀眾。」
「冇港劇咁婆媽」
張家輝也是不眠不休追看該劇，他說：「睇完人哋一齣咁精采劇集，我會慨歎香港嘅製作幾時可以拍到咁嘅水準，呢齣劇情節冇拖泥帶水，唔同香港嘅劇拍得咁婆媽，整個故事嘅結構好精密，拍得又有張力。」
採訪：陳月媚