由葛優（左）、周迅（中）同章子怡主演嘅電影《夜宴》喺今個月14號上映，日前部戲喺內地做試映，葛優出場嗰陣好多觀眾都忍唔住笑，傳媒對部戲嘅評語有褒有貶。事後導演馮小剛（右）接受內地傳媒訪問，佢話因為葛優喺內地畀人定咗位係笑星，所以觀眾見到佢都覺得應該要笑，換轉喺港台就唔會有咁嘅情況。票房方面，馮小剛就拍心口話有信心喺內地可以收到1.3億。