歐洲國家盃外圍賽展開，當中好多都係強弱懸殊戲碼，英格蘭主場對安道爾就係其中一場好例子。單從實力上看，兩隊根本就係無得比，英格蘭𠵱家喺立博嘅亞洲盤讓緊兩球半/三球，令處境非常尷尬。
因為英格蘭一向有個唔係咁好嘅習慣，就係成日覺得自己好勁，贏一球就可睇住對手嚟食，以為只要守埋落去一定會贏波咁款﹗「不思進取」就係呢班波嘅弱點，英格蘭成日都係贏波輸盤，就係因為踢法太過保守所致。
再睇番上次英格蘭雖然好似係威係勢，大炒希臘四蛋，但今次唔再係友誼賽，麥卡倫一定有壓力，唔敢再谷得咁前，九成都係慢慢控制中場；而且大家仲要留意吓賽制，歐國盃外圍賽係計對賽行先，唔係計得失球，英格蘭贏得多都冇乜着數。好彩嘅話，主隊贏兩球並唔意外，但想贏多啲就有難度，足智彩「讓球主客和」開到[-4]，即係變相讓三球半，我就一定捧下盤啦。
串西意兩軍「主勝」
另外兩場西班牙對列支敦士登同意大利對立陶宛，同樣都係強隊主場，對手太弱嘅局面，立博呢兩場都開兩球/兩球半。從世界盃決賽周的表現而論，兩隊嘅攻擊表現都很好，上盤絕對可以信賴。西班牙「主勝」串意大利「主勝」，反而覺得穩陣。
（8月賺蝕：-26%）
立博亞洲區首席博彩顧問
謝利
電郵：[email protected]