市川海老藏去年同女星米倉涼子分手，最近佢被狗仔隊偷拍到外出𠝹女，新目標嘅外形仲似足前女友米倉。據今期《Friday》報道，現年28歲嘅市川海老藏，上月一個周日晚現身東京一間高級料理店，之後兩個似足模特兒嘅靚女（右一及右二）同一個男性朋友到達同市川遣興，四人用膳後齊坐私家車去西麻布，之後又齊到廣尾區消遣。其間市川雖然有啲醉意，但係佢仍然為女性朋友開車門，以示有禮。