今晚將會上演多場歐洲國家盃外圍賽，我揀咗其中兩場：格魯吉亞對法國同捷克對威爾斯，重心推介畀大家。
儘管格魯吉亞喺上場外圍賽作客大數同組魚腩法羅群島6:0，不過今場對住實力強勁嘅法國，就完全唔同講法。格魯吉亞只屬歐洲三線隊伍，整體實力一般而已。佢哋今年踢過5場友賽，當中只係贏過一場馬爾他，近兩場對新西蘭同巴拉圭都要輸波而回。
法國喺世界盃後踢過一場友賽，作客以2:1擊敗波斯尼亞。佢哋今場以強陣出擊，除咗無施丹外，其餘大部份都係世界盃主力。主客雙方實力相差太遠，故此今場我會博法國淨勝兩球，一於揀「讓球主客和」的「客勝」。
捷克跌Watt吼「和局」
另一場捷克對威爾斯，捷克喺世界盃嘅表現令人失望，早在分組賽止步，上仗友賽喺主場竟然1:3不敵塞爾維亞！無可否認，捷克近期明顯有跌Watt迹象，不過爛船都有三斤釘，加上往績都未輸過俾威爾斯，今場只要演出穩定，贏波問題不大。威爾斯只屬歐洲二、三線球隊，整體人腳一般，陣中最有名氣嘅僅得比拿美同傑斯，首場外圍賽就要作客捷克，相信亦難逃一敗。不過捷克近況麻麻，估計只會小勝，所以今場揀個「讓球主客和」「和局」。
（8月賺蝕：+5%）
有線球彩台主持
阿鵬
電郵：[email protected]
PHONE波熱線：1831678