黎明和雷頌德今年5月舉行慈善籌款演唱會,為公益金籌得過百萬元善款,昨日兩人獲特首夫人、公益金會長曾鮑笑薇頒贈「公益榮譽獎」,雷頌德不但與黎明同樣西裝筆挺出席,他還剪了一個極短的鮑魚刷頭,搶去黎明不少風頭。
同是受害人
近日鍾欣桐(阿嬌)被《壹本便利》偷拍換衫事件鬧得滿城風雨,黎明之前也曾被阿嬌老闆楊受成旗下雜誌《東方新地》偷拍在寓所內與樂基兒纏綿照片,算是被狗仔隊偷拍的受害藝人,問他對阿嬌被偷拍事件看法時,他卻說:「新聞性嘅嘢,冇必要回答。」
那麼黎明可會支持阿嬌?黎明再度以手勢表示封嘴:「唔想講,冇嘢好講,每樣嘢應該有存在嘅價值同意義,但社會進化咁快,有好多嘢需要重整,維護各界利益,呢啲留番畀專業人士,唔係我理。」
採訪:駱華齡 攝影:林德雄