煲碟妹今日介紹嘅韓劇《煙花》係由性感靚女韓彩英同《加油!金順》嘅型男姜至奐主演，《大長今》嘅「連生」朴恩惠都有份演出。不過朴恩惠今次唔係飾演楚楚可憐嘅角色，而係飾演一個工於心計嘅女人，仲同韓彩英爭奪仔。
韓劇《煙花》由韓彩英、姜至奐及朴恩惠主演，姜至奐曾經拍過叫好又叫座的《加油!金順》，仲有《大長今》的「連生」朴恩惠助陣，韓彩英更會大騷天賦本錢，穿泳衣晒身材。但兩位男主角姜至奐和尹尚賢拍攝一場踢波戲時不慎撞爆左眼，姜至奐入院縫了30針，認真黑仔。
難敵七年之癢
韓彩英飾演年近30歲的「老處女」申娜拉，沒錢沒工作的她一直希望與拍拖7年的男友姜勝宇（尹尚賢飾）結婚組織小家庭，殊不知勝宇因對車未來（朴恩惠飾）一見鍾情而拋棄她。
在娜拉最落寞的時候，認識了年輕善良的羅仁哉（姜至奐飾），兩人起初是鬥氣寃家，慢慢成為好朋友，仁哉得知娜拉為了報復勝宇而接近未來，即苦勸她不要傷害未來。原來仁哉已暗戀未來多年，但礙於未來是其亡兄的未婚妻，所以一直將愛意埋藏心底。
分手後才有餡
當娜拉徹底忘掉勝宇後，卻不經不覺愛上仁哉，但男方此時已與未來成為一對。自此，仁哉就周旋於未來和娜拉之間，未來卻又發現懷了舊愛勝宇的孩子。勝宇雖然已和她分手，但始終忘不了她。四人旋即陷入一段錯綜複雜的四角關係之中。
撰文：煲碟妹