早前衞詩（Jill）到紐約拍攝由黎明執導的音樂電影，兩個星期多的行程中她每天都忙於工作，但因她已積壓了一個月的購物慾，所以一有空檔即四出購物，十分痛快。
衞詩本月初到美國紐約拍攝音樂電影和拍唱片封套，所以每天的工作時間十分緊密。在出發前，Jill早已於網上搜查購物勝地，希望於最短的時間內買下最多的戰利品。
查定店舖地址
Jill笑說：「我出發前都知唔會有好多時間買嘢，所以喺香港已經上網搵定晒我想買嘅牌子啲舖喺邊，咁到時就唔使花好多時間去搵。」
除了事前搜集資料，阿Jill更安排了另一個「大出血」計劃，就是到美國前的一個月，在香港忍手不買任何東西，她笑說：「我都未試過忍手唔買嘢成個月咁耐，之前喺香港一出糧我就儲起晒啲錢，總共儲咗五位數字，因為我一心諗住嚟紐約先一次過買。」
覓得心儀蜜瓜
最後阿Jill的戰利品足以鋪滿整張床，當中包括有衫、鞋、首飾、銀包、手袋以及手錶等。雖然她第一次到紐約，但已愛上這地方，只是覺得當地人不太友善，她說：「我係好鍾意NewYork，但係我有時去買嘢覺得啲售貨員啲態度好rude，冇香港人咁nice。」
在阿Jill的眾多戰利品中發現了一盒韓國蜜瓜，原來這是她最喜愛的食品之一，她一臉滿足地說：「呢隻蜜瓜香港賣得好貴㗎，而且唔係好多地方有。有一次Leon（黎明）收工同我哋去咗NewYork嘅koreantown食飯，後來我發現嗰度啲舖頭有得賣，而且價錢平過香港，我就即時買咗一盒。」
採訪、攝影：李珮洳
