近期手風麻麻，重心推介多番失手，上周重點貼伯明翰失手，反而冷Ｗ多蒙特勝出；博紐記下盤諗住穩陣，結果對住維拉一籌莫展，反而博博吓買甘美奧冷W打冧哥連泰斯得手，最邪捧佐加頓斯下盤兼W，結果領先3:0下，竟然瑞典波也玩球迷騷亂，白白看着3倍冷Ｗ遭莊家判以無情的「賽事無效」回水，願賭服輸，徒歎奈何！
太公波名牌靠唔住
手風唔順，個人不選擇退縮，不如還原基本步由最簡單玩法入手；即你入到賭場，如果玩骰盅抱住買點數博追數，準會焦頭爛額。以故阿叔教賭馬要福至心靈，就是如是，手風正順資本雄厚者可以博吓「讓球主客和」、「半全場」或者波膽多串幾場錦上添花；否則應從最簡單攻單W或者讓球過關頂多兩場入手，儲番彈藥再到手風回順再博大霧，這方為個人以賭波作投資之心態。
周六及下周三一連兩天為「歐國外」賽期，呢類國際賽勸大家無謂搏命，數據少，盤路難捉；最驚係強弱懸殊賽事，引波友多串幾場超級大熱W，博好分啲；結果往往數十場比賽，爆一、兩場已過關纜盡斷，畢竟強隊大把本錢輸，球星們顧住球會飯碗多於太公波；馬會又玩嘢，超級名牌強隊好似英荷「讓球主客和」開到[-4]，小注怡情尚可，實際無得賭。寧願刨吓明日英甲，到臨場結合陣容，博大些少好過，英甲王森林隔夜有1.62倍W，大家點睇呀？文：蘋果波神