既想出售手機，但又怕機內被刪的資料遭人修復下載？「改機大王」謝利記負責人謝利表示，現時大部份最新推出的手機，機內都有功能予用家永久刪除機內資料，「賣機時記謹按MasterReset（恢復原廠設定）嘅掣，呢個功能先至可以將啲資料徹底鏟走，淨係按delete（刪除）掣係唔得！」
可胡亂輸入資料
謝利說，另一個原始方法便是將資料刪除後，胡亂輸入一些資料，「電話簿就亂入一啲資料，狂打短訊，如有相機就係咁影，總之谷爆晒啲memory（記憶體），到時舊資料就會被新嘅資料覆蓋晒！」他又表示，兩年前曾試過將一部舊款手機的資料復原，「只要有對應嘅軟件就可做到，嗰次我就將電話簿、短訊全部都下載番晒！」
理工大學電子計算學系副教授曾東雄解釋，手機的貯存系統與應用於電腦的原理相若，用家在手機按下刪除資料後，不等如相關資料已消失，「啲資料只係顯示唔到出嚟！」他指出，用藍芽（Bluetooth）或USB將手機接駁到電腦後，再利用電腦一些專為手機而設的修復軟件，便有機會在電腦上看到之前被刪除的資料。
本報記者