網友責電影界短視

網友責電影界短視

超級神聖魔召龍:香港片垃圾一大堆,香港人入戲院唔係睇劇情係睇明星,外國就唔同,搵二、三流演員都拍得一部好片。

don328:鄭中基係乜都唔會再睇,中過太多招,仲有方力申食曲奇就考慮租碟睇,一定唔會入場;馬偉豪大導啲戲也私人列入三不睇狀態。當然有好片亦會又入場又買碟而唔係租碟睇,好似杜sir、星爺、梁朝偉同部份劉華嘅作品。

genghiskhan:𠵱家啲港產片十個演員裏面有七、八個唔係職業演員出身,一係歌手,一係DJ,運動員都有!劇情老套、笑話無聊、武打場面千篇一律。

大黃蜂:乜你哋淨係以為香港先有爛片咩?荷李活出產爛片嘅比例絕對遠超於香港,只不過你哋冇機會睇到咋!電影呢種媒體正逐漸步向衰亡確係不爭事實,就算偶然有幾部大片或好戲收得,亦無法改變整個大趨勢。

日日食雞:港產片非常垃圾,電影業人士又非常短視,將電影業死因全部賴晒翻版同BT,完全唔去檢討自己問題。

timstims:我都好不屑佢哋將票房下滑只歸因BT,單單睇西片票房都知乜嘢事,有誠意嘅港片我一樣支持。
資料來源:香港討論區