一代拳王泰臣近日喺拉斯維加斯一間二流酒店「表演」打拳，喺擂台上面好似玩雜耍咁供人圍觀，周圍嘅人唔係用相機拍照，就係飲啤酒，或者淨係掛住打老虎機。舊時泰臣打拳賺到成3億幾美金，但因為揮霍無度加上誤信損友，搞到𠵱家債務纏身，將佢嘅墮落之路拎嚟做反面教材，就真係最好不過喇！