被傳已經同丈夫中村獅童分居嘅竹內結子，繼早前復出拍化妝品廣告後，最近佢又計劃接拍新片《乘坐Sidecar的犬》，作為復出頭炮。主演過愛情片《藉着雨點說愛你》嘅竹內，已經兩年冇拍戲，據聞佢今次喺新片入面，唔會再做清純少女，反而會大改形象，扮演啲比較粗魯嘅角色，喺片中會有用頭撞人同埋一啲好激嘅場面，而套片會喺明年秋天上映。