張栢芝曾經講過以後接受訪問唔會講戀情，點知咪又係日日接受電台訪問狂講拍拖生活。前日霆鋒接受完商台電話訪問，噚日就輪到栢芝，佢話冇送生日禮物畀霆鋒，又話對方喺佢牛一當日都冇表示。提到最近俾人話佢肥咗，栢芝又拖埋霆鋒落水大講一餐：「我一路想減肥，但霆鋒唔鍾意，猛迫我食嘢囉，佢想我肥到冇人追。我估佢其實鍾意豬，佢應該去粉嶺豬場揀老婆。」