數學題，朱古力糖原價每包4.2元，特價兩包11.5元，問每買兩包，可以慳幾多？答案是：每買兩包，不但止慳不到錢，還要蝕底倒貼3.1元，買得多，蝕得多！
如此搵笨的「特價優惠」，原來並不稀奇，迷你論壇的網民不時在連鎖超市發現。
網民himhim稱，前日在惠康超市直擊搵笨事件，還嬉笑怒罵留言說：「唔該，我可唔可以分開兩次俾呀！？」貼圖一經上載，立即引來各路網友迴響。wireless說：「我上個月都喺北角惠康見過，買兩件嘅所謂特價，仲貴過分開買。」也有網民以資深超市顧客身份回應說：「印錯呢啲嘢成日都有，你見到同啲職員講就會換番。」