落選港姐徐淑敏噚日去到新城接受訪問，仲自爆話工程師男友黃重生擔心佢入娛樂圈後會另結新歡。為咗向男友派定心丸，徐淑敏話𠵱家同異性對話都會設定防線，一定唔會太親密，免得另一半誤會。佢仲話：「我同男朋友都作好打算面對將來，出街都會繼續拖手，唔會避忌，如果唔係對佢好唔公平。」