容祖兒昨日出席無綫新劇《學警出更》拜神時，大爆吳卓羲及陳鍵鋒在開工期間爆粗，當事人吳卓羲即時否認有關指控，揚言只是懶音，且絕不會在女性面前爆粗。
吳卓羲、容祖兒、郭羨妮及陶大宇等昨日在將軍澳電視廣播城為有份主演的無綫新劇《學警出更》舉行開廠拜神，一眾演員誠心上香祈求拍攝順利。
讚聰明暗踩
容祖兒昨日踢爆吳卓羲及陳鍵鋒在拍攝期間經常刻意將對白讀歪，猶如講粗口，祖兒說：「佢哋對戲時成日將啲對白轉channel讀歪，同粗口冇分別，覺得佢哋個腦轉得好快，都幾好笑。」提到被網友指她抄襲鄭秀文的造型，更被嘲為「天之抄女」，容祖兒即時臉色一沉，更不忿地說：「我唔只蹺腳甫士係抄，連眨眼、呼吸都學Sammi（鄭秀文）。」
多次被指爆粗的吳卓羲否認容祖兒的指控，他說：「唔係粗口，係懶音啫，絕對唔會對住女仔講粗口。」談到有雜誌指他在無綫失寵，藉着《學警出更》搏到盡演出求反彈，他說：「公司冇同我講呢啲嘢，每套劇都係盡力去做，不過可能係錄影廠冷氣太勁，噚晚扁桃腺發炎去咗醫院睇醫生。」
未忘喪狗痛
早前愛犬生病去世的郭羨妮則表示心情至今仍未完全平復，她說：「𠵱家屋企仲有兩隻狗一隻貓，其中一隻狗最近可能都係年紀大盲咗，我都唔會特登搵隻狗返嚟代替唔喺度嘅狗，呢啲係最痛苦嘅事，一定慘過失戀啦！」
採訪：卓美娟
攝影：葉君海
