公開招股部份超額認購300倍嘅永嘉集團（3322），一名叫做「ricleung」嘅網友，星期一在《香港討論區》（discuss.com.hk）放咗一段講到似層層嘅文章。標題大大隻字寫明李寧（2331）想收購永嘉。有關文章節錄如下：
「野心勃勃的李寧將收購永嘉，以鞏固其運動服王國。《星期日泰晤士報》引述消息指，李寧曾向英國體育產品製造商Umbro的董事會提出非正式收購。李寧表示，不會評論市場傳聞，但目前與Umbro之間並無收購計劃。收購Umbro計劃告吹，全因李寧的財務顧問星展亞洲，已展開了另一個收購方案。」
「李寧看準了其招股良機，期望待永嘉上市後，伺機向其作出收購，以間接獲得Umbro大中華區的獨家分銷權……同為李寧及永嘉的保薦人星展亞洲，為了令收購方案能夠順利完成，永嘉新股的貨源定需歸邊，所以包銷商只有匯富、工商東亞、匯盈和星展，以防貨源落入對沖基金之手。」
星展亞洲起初的方案還包括讓李寧成為永嘉的戰略股東，向其出售10%新股。可是李寧的野心不只滿足於10%的股權，而是永嘉擁有Umbro的中港獨家至2010年的分銷權，及該公司在內地擁有逾90家Umbro分銷商和銷售網絡包括650個零售門市及專櫃，在港澳台則有逾140個零售門市及專櫃。
Blog友回應：
longdragon話：「Itseemrumourratherthan……」
qqstock話：「totallyrubbish,especiallyatthistimewhen永嘉isdoingIPO。」
peterwong11質疑：「李寧應該靜靜雞收購……話晒俾人知佢想買起永嘉……等大家炒高個價咩！」
johnnychong106話：「我聽到李澤楷買李寧wor！」
dick_hk答咀：「好似係好多人想買起李澤楷喎！」
記者回應：
為咗查證呢件事，本報記者就搵咗三日，喺網上搵嚟搵去都搵唔到「ricleung」所提及《星期日泰晤士報》嘅報道，唔知係咪網上版同實物版有別。據接近李寧嘅消息人士話，佢哋無計劃買永嘉。啱啱見完李寧管理層嘅分析員，亦話無聽過。仲有永嘉做完IPO，股東有禁售期，想賣盤都唔得。
不過，寫呢篇嘢嘅人兄，資料搜集都做得好齊，好似李寧同永嘉都係用星展做保薦人、永嘉包銷商資料，同埋新宇亨得利嘅背景，都全部無錯，可說是有心人。不過，有心做乜嘢就唔知喇！
hitrate指數：904次