陳寶珠讚蠟像皮膚靚

陳寶珠（左）噚日喺山頂杜莎夫人蠟像館，為佢嘅蠟像主持揭幕禮。寶珠姐第一眼見到自己個蠟像，驚喜之餘大讚話同佢真人一樣，皮膚都係咁靚，不過就嫌塊面瘦咗啲。至於囝囝天經就覺得個笑容最神似，仲叫媽咪即刻笑一笑做對比。寶珠姐話最希望快啲見到師傅任姐任劍輝同仙姐白雪仙嘅蠟像喺館內出現。