夏日炎炎，面油、汗水肆虐不停；處於室內，冷氣令面部水份抽亁，油水變得不平衡，浮粉、出現亁紋機會大大提高，因此不少女生都愛袋定一支保濕噴霧出街，除可即時補充水份外，還可穩定妝容，令妝容更持久緊貼。呢個討論緊買邊隻噴霧最掂嘅blog，差唔多人人都揀平霸之選──Evian礦泉保濕噴霧，$30有找。有人當佢係爽膚水咁用，得閒就噴兩下，小記試用過，保濕度麻麻，仲有少少甩粉㖭。亦有朋友試用過香薰味的保濕噴霧，點知自己唔受得，搞到敏感出紅點！靚女們記住先了解皮膚類型才選購，絕不能掉以輕心。個人最鍾意SOFINA的veryverygelmoistmist，只得20ml，的的骰骰，易於攜帶。試過搭飛機時中途噴過1次，直到落機依然保濕舒爽，妝容絲毫無損。最後一提，噴之前記住用紙巾或面油紙印一印塊面呀。
http://discuss.com.hk/viewthread.php?tid=1791825