家陣金融財經機構嘅熱門活動，離不開體育和慈善，友邦保險亦食住呢兩條橋，趁今年香港75周年，佢哋喺10月21日搞步行籌款活動慶祝。
呢次活動唔嘢少，十足遊行咁，遊行隊伍會由中環AIG大廈出發，經灣仔友邦大廈、銅鑼灣友邦中心，行到去北角友邦廣場，路線由友邦嘅大廈串連而成。當日會有警方封路，開步禮仲有警察銀樂隊表演，皇氣十足。
友邦行政總裁兼總經理林文德都會參加，呢位高層每次有活動都一定打頭陣，佢哋早喺99年都搞過類似嘅步行活動，當時由北角行到去中環（圖），一般45分鐘嘅路程，林文德用30分鐘就行完；有次佢帶同事去戶外訓練，大家喺只得幾度嘅冬天由碼頭跳落海，林文德都係二話不說第一個跳，好堅。