將出戰威尼斯影展角逐影后的何超儀，昨日在三小時內疾走中環四大名店如Chanel、Dior，挑選靚衫及上千萬的首飾準備行紅地氈，她透露全靠大家姐何超瓊開口。
何超儀（Josie）憑電影《放．逐》將於「第63屆威尼斯國際電影節」角逐影后，下周一起程飛往威尼斯的她，昨日三小時內在中環行勻四大名店包括Bvlgari、Chanel、Valentino及Dior，精選戰衣及珠寶。
感激家姐關照
Josie謂能夠短時間狂掃名店，全靠大家姐何超瓊（Pansy）出口相助，她說：「Pansy知道我角逐，即刻周圍幫我call名牌贊助，好正囉！因為我去完威尼斯，又要直飛多倫多影展，兩個站加埋又要行紅地氈，又要去記招、party，所以都要準備多啲衫。」
上次出席威尼斯影展Josie只能觀摩，不過她自爆為見偶像不惜扮工作人員偷上樓，結果被大會發現趕走，她說：「今次我名正言順行紅地氈都好緊張，有份角逐已經感動到想喊，我係土生土長嘅多倫多人，若果得獎再返去多倫多影展，就真係衣錦還鄉，凱旋而歸囉！」
首要任務減肥
Josie在Bvlgari試戴多件首飾，其中一條價值1,000萬港元的鑽石頸鏈，令她愛不釋手；其後她轉到Valentino試穿價值15萬元的黑色喱士晚裝裙，高貴大方。
到Chanel試衫時，Josie一度看中早前內地影星何琳出席Chanel活動時所穿的米色裙，但後來還是鍾情黑色具華麗型格的喱士裙，她更連試三套低胸裙，然後說：「件件都咁靚，試到我心猿意馬，不過首要係返屋企減肥，同埋搵對高啲嘅高跟鞋，以最佳狀態上陣。」
採訪：GeneNg
攝影：ChanShunChing
